Settlement guide: Muaj dab tsi pauv hloov tshiab rau tej nyiaj pab cuam zov me nyuam?

Tsoom hwv teb chaws Australia yuav coj cov nyiaj pab cuam zov me nyuam tshiab los siv txij hnub tim 02 lub 7 hli ntuj xyoo 2018 no mus lawm. Ntawm nod yog tej yam uas cov niam txiv tsim nyog paub kom thiaj li siv tau cov kev pab cuam no yoooj yim.

Source: Getty Images

Txij hnub tim 02 lub 7 hli ntuaj mus, tsoom hwv Australia yuav tsis siv cov nyiaj pab cuam zov me nyuam Child Care Benefit and Child Care Rebate uas siv tam sim no lawm thiab yuav coj cov Child Care Subsidy tshiab coj los siv lawm xwb.

Simon Birmingham uas yog Australia tus pwm tsav lis lajfai tswj kev kawm thiab xyaum tej neeg kom paub ua hauj lwm tau qhia rau tsev nthuav xov xwm SBS tias, tej niam txiv yuav muaj peev xwm siv tau cov kev pab cuam tshiab no yooj yim dua.

Nws hais tias '' Peb yeej totaub tias cov neeg hais thawj hom lus uas tsis yog lus Askiv ntawd yeej tsis totaub zoo txog cov child care system siv tam sim no uas sib chab sib chaws heev ntawd, yog li no peb thiaj kho cov kev pab cuam tshiab hu ua childcare susidy kom tej neeg siv tau yooj yim dua tuaj ntxiv."

Yuav siv cov kev pab cuam no li cas xwb?

Nom tswv yuav cia li them cov nyiaj zov me nyuam ncaj nqha rau tej chaw zov me nyuam lawm xwb.

Yog li muaj 3 yam txuam thawj (Factors) yuav ua cov txiav txim tias seb, ib tug me nyuam ntawm ib tse neeg twg yuav tau cov nyiaj pab cuam zov me nyuam no npaum li cas, xws li seb lawv siv cov kev zov me nyuam zoo li cas the type of childcare service, seb tsev neeg ntawv khwv tau nyiaj sib sau ua ke ib xyoos tau pes tsawg the combined family income thiab seb tej niam txiv ntawd ho ua dab tsi the activity level of parents.

Yog xav tau txais txiaj ntsim kom ntau tshaj plaws los ntawm cov nyiaj pab zov me nyuam no, ces nkawm niam txiv ntawd yuav tsum ua hauj lwm ntau hnub rau ib lub plua (week) twg, los yog ua lwm yam hauj lwm uas muaj cai thov tau nyiaj zov me nyuam siv other activities that qualify, piv txwv li mus kawm ntawv, ua hauj lwm yeem thaj (Volunteer), mus nrhiav hauj lwm ua, los yog los so yug thiab so los tu me nyuam tshiab ntawd.

“Lub hom phiaj tseem ceeb yog peb xav los xyuas kom tsim tau cov nyiaj pab zov me nyuam pab rau tej neeg kom muaj peev xwm mus ua lwm yam hauj lwm coj los pab txhim kho lub teb chaws no,'' raws li tus nom tsev keeb theej tsw (Senator) Birmingham tau qhia.

Tej niam txiv yuav tswj tej dej num no li cas?

Zoo li tej niam txiv feem ntau yeej yuav tau txais txiaj ntsim zoo dua rau cov nyiaj pab zov me nyuam Child Care Subsidy tshiab no, thaum nom tswv pib coj los siv tiag lawm.

Txij lub 7 hli ntuaj xyoo 2018 no mus, ces tsoom hwv yuav tsis txwv tias pub tej niam txiv siv tau cov nyiaj zov me nyuam ntau npaum li cas lawm, yog tias lawv yog cov cuab yig uas khwv tau nyiaj ib xyoos sib sau ua ke tsawg dua $185,710. Vim tam sim no, nom tswv tsuas pub cov tsev neeg thov tau cov nyiaj siv ntiav lwm tus zov me nyuam ntawm tsoom ze txog li $7,500 rau ib tug me nyuam rau ib lub xyoos twg xwb.

Senator Birmingham hais tias, tsoom hwv xav los ua tib zoo xyuas, kom tej niam txiv muaj peev xwm ntiav tau lwm tus zov lawv tej me nyuam, thiab kom tsis txhob ua ib cov teeb meem ua rau tej niam txiv tsis xav mus ua hauj lwm.

Samantha Page uas yog tus coj ntawm lub koom haum Early Childhood Australia hais tias, cov cuab yig uas muaj 2 tug leej niam leej txiv mus ua hauj lwm tib si, yuav tau txais txiaj ntsim los ntawm cov nyiaj pab zov me nyuam tshiab no. Tab sis cov niam txiv tsis ua huaj lwm full-time, yuav tau cov nyiaj zov me nyuam no tsawg lawm.

"Yog ib tug ntawm nkawm niam txiv ntawd ua hauj lwm casual los sis contract los yog muaj hauj lwm ua ib ntus rau ob peb plua xwb tsis muaj lawm, mam li ho rov qab muaj hauj lwm ua ntxiv, yog cov uas tej zaum yuav tsis tau txais txiaj ntsim zoo los ntawm cov nyiaj pab zov me nyuam uas raug kho tshiab no. Thiaj li yog tej yam tseem ceeb heev yuav tsum totaub kom zoo txog tias yuav muaj tau teeb meem dab tsi rau lawv," Samantha Page tau qhia li ntawd.

Thiab yog koj xav paub tias cov nyiaj pab zov me nyuam raug hloov kho dua tshiab no yuav zoo li cas rau koj tsev neeg, ces xav kom koj mus txheeb xyuas tej xov xwm txog cov nyiaj zov me nyuam no kom ntxaws, thiab mus siv cov  twj online estimator xam seb koj yuav tau npaum li cas.

Ho yuav npaj koj tus kheej li cas?

Cov twj pab koj xam online estimator hauv internet no yuav pab koj txheeb tias seb yog koj muaj cov sij hawm ua hauj lwm tsawg ne, koj puas raug txiav cov nyiaj pab zov me nyuam no li cas? Tab sis koj yeej muaj peev xwm npaj ntau lub hli ua ntej los tau thiab.

"Qhov xov kom tej niam txiv ua, ces yuav tau mus teev npe kawm ntawv, los yog mus ua hauj lwm yeem thaj (Volunteer) los sis kom nej tej tswv lagluam xam tias seb nej yuav khwv tau nyiaj npaum li cas rau 3 lub hli ntxiv no, yog tias nej yog cov neeg ua hauj lwm casual, kom thiaj li muaj cai siv tau cov nyiaj ntiav lwm tus zov me nyuam no txuas ntxiv,'' raws li Page tau qhia.

Senator Birmingham hais tias tej cuab yim uas tam sim no yeej siv cov nyiaj pab cuam zov me nyuam no, yeej tseem yuav tau txais xov xwm ntxiv los ntawm tsoom hwv rau ntau lub plua ntxiv no thiab.

Koj muaj peev xwm nrhiav tau ntau yam xov xwm hauv online ntxiv yog koj nyem ntawm nod here. Nom tswv yeej muaj cov ntawv ua 7 hom lus li lus Arabic, Dari, English, Korean, Lub Suav yooj yooj yim los yog cov lus Suav qub thiab ua lus Nyab laj coj mus tseb rau tej koom haum neeg zejzog, cov chaw pab tej neeg tsiv teb tsaws chaws thiab cov chaw zov me nyuam kom tej neeg tau nyeem thiab. Ntxiv ntawd nom tswv tseem yuav coj tej hais no mus tso rau hauv online tsis ntev no ntxiv thiab.

Yog koj xav paub kom ntxawv tshaj no ntxiv mus txheeb xyuas tau ntawm lub vas sab hauv qab no: education.gov.au/ChildCarePackage.

Thiab koj muaj peev xwm siv cov twj online estimator mus xam tias seb koj yuav tau cov nyiaj pab zov me nyuam Child Care Subsidy no npaum li cas.

Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:

Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong  

Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm: www.sbs.com.au/podcasts/yourlanguage/hmong    

Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app  tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app  

Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm  www.facebook.com/sbshmong

Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau [phone] nrog SBS Radio Hmong Program tham tau. Los sis xav SMS rau + 61 (0) 429996263 tau los yog xa koj cov lus tawm tswv yim rau [e-mail] tau.

Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio

HOBART = 105.7FM

MELBOURNE = 93.1FM / 1224 AM

CANBERRA = 105.5FM / 1440 AM

SYDNEY = 97.7FM / 1107 AM

WOLLONGONG = 1413AM

BRISBANE = 93.3 FM

CAIRNS = 90.5 FM

DARWIN = 100.9FM

PERTH = 96.9FM

SA = 106.3 FM

Thiab tseem mloog tau ntawm digital TV tshooj 38 ntxiv thiab.