Brisbane City Hall's 50 plus Bridge Group yog ib pawg neeg uas so tsis ua hauj lwm lawm mus play games kom lawv muaj kev lom zem thiab pab kom lawv lub paj hlwb ua hauj lwm zoo. Lawv ua phaib thiab yeej muaj cov kev pab cuam zoo rau cov tub koom siab ntawm pawg neeg no. Tab sis Fay Henderson thiab Anne Braford uas muaj hnoob nyoog 82 xyoos tib yam hais tias, peb yuav tsum tau hloov los tsim ib yam dab tsi tshiab rau peb ua kom thiaj muaj kev lom zem rau peb lub neej, rau qhov txhua leej txhua tus yeej ua lawv lub neej fabfo, yog li peb thiaj yuav tsum tau ua dab tsi kom peb kub siab ua lub neej txuas ntxiv, vim tej me nyuam thiab xeeb leej xeeb ntxwv los loj tag lawm ces peb yuav tau ua ib yam dab tsi rau peb tus kheej lawm xwb.
Mabs Halls hais tias " Kuv sawv ntxov thaum 5 thaus saum txaj los nyeem ntawv xov xwm, thiab haus dej tshuaj yej tas ces pheej txawm cia li tsaug zog rau ntawm lub rooj kuv zaum ntawd lawm xwb. Yog li kuv thiaj xav tias yuav tau hloov thiab tso tseg txhob ua li ntawd ntxiv lawm vim yuav ua rau yus mus tsis txog qhovtwg li. Tos kuv pheej mus taug kev los vim kuv nyob ib leej kho siab khuav xwb, yog li kuv thiaj xav tias yuav tsum tau ua ib yam dab tsi rau yus lub neej." Anne Bradford hais tias "Muaj qee hnub thaum yus mus tsev tom qab play games tag lawm, thiab vim yus luag ntau heev dhau lawm ces kuj mob ib ce thiab, tab sis kuj yog tej yam zoo heev." Fay Henderson los kuj tau hais ntxiv thiab tias "Yog tias peb tso tseg tsis ua tej hais no lawm ces ntshe peb tsis paub xyov peb yog leej twg li lawm, thiab peb yeej tsis xav kom zoo li hais ntawd li."
Zeskais Jeff Brand uas paub zoo txog communication thiab media tau hais tias muaj txog li 49% ntawm cov neeg Australia muaj hnoob nyoog tshaj 50 xyoo rov sauv nyiam play cov video games kom lawv lub paj hlwb thiaj khiav hauj lwm zoo.
Nws tseem tau qhia ntxiv tias, nws cov kev teeb txheeb no tshawb tau lawm tias "Australia tej laus neeg yeej nyiam cov games uas yog cov puzzle dua thiab yog cov game uas daws ib yam teeb meem dab tsi dua cov games uas siv dag siv zog los yog advanture ntawd."
Alex Yuen yog ib tug neeg sib txuas lus nrog lwm tus txog cov dhau lwm pab rau tej laus ntawm lub tsev laus uas muaj cov neeg Australia caj ceg neeg Suav nyob ntawm xeev New South Wales thiab yog tus tswj cov game bingo thiab majong rau cov laus ntawm lub tsev laus no tau koom lom zem.
Kim Yuen tau hais tias "Cov laus nyob ntawm lub tsev laus no feem coob yeej tsis tshua tau ua dab tsi li, thiaj ua rau lawv tej nqaij tsis muaj zog thiab lawv qhov muag tsis tshua pom kev li yav dhau los lawm. Yog li nws thiaj tsim cov games qee yam li bingo games los pab lawv kom ho tau siv lawv lub cev thiab pab kom lawv lub paj hlwb rov qab ua tau hauj lwm zoo, vim yuav tau siv lawv tej qhov muag thiab lawv tej tes ua ker nrog thiab." Hos Fay Henderson thiab Mabs Hall los kuj xaus lus tias " Peb sawv daws yeej yuav tau pib txij qhov peb paub mus tsis hais yuav yog ua dab tsi li. Thaum xub mas yeej ua tsis tau los mas! Tab sis yog yus tsis ua ces yeej tsis paub tias yus muaj peev xwm ua tau los tsis tau thiab. Puas yog mas!"#.
Mloog tau xov xwm ua lus Hmoob ntxiv tau rau ntawm ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis tuaj koom ua tub koom siab thiab koom mloog tau tau ntawm #SBSHmong lub Facebook page tau.
