Xav kom koj tau txais kev noj qab nyob zoo rau lub caij koj muaj hnoob nyoog lod? Cog koj cov ntoo tshuaj yej.

Tej zaum cov kev nquag qoj ib ce thiab ua vaj zaub yuav tau txais txiaj ntsim rau koj txoj kev noj qab nyob zoo rau yav tom ntej.

Selection of various tea types served with various spices: cinnamon, clove and cardamon decorated with tea serving tray and lavender Source: EyeEm-Getty Images

Muaj Australia cov neeg muaj hnoob nyoob tshaj 50 xyoo rov sauv tshaj li ib nrab yeej hauv 11 khob tshuaj yej rau ib lub limpiam twg diam, tab sis koj puas tau xav dua tias yuav cog kiag koj tsob ntoo tshuaj yej kom thiaj tsis muaj tej teeb meem cov hnav ntim tshuaj yej paug tsuas rau tej ib puag ncig?

Raws li Magaret Wilson uas yog ib tug neeg paub txog tej txiaj ntsim zaub mov thiab yog ib tug neeg cog tshuaj yej ntawm lub vaj Brynhill farm uas cog tshuaj yej ntawd chaws sov sab qaum teb ntawm xeev Queensland hais tias "cov tshuaj yej no kuj yuav pab tau kom yus tau txais kev noj qab nyob zoo, pab tau yus lub plawv thiab pab kom yus txhob nyuaj siab ntxhov plawv tau thiab."

Kris Gunnar los kuj tau hais tias yeej tau sau ib tsab xov xwm tias yog peb haus cov tshuaj yej los ntawm tsob ntoo tshuaj yej Green tea (Camellia Sinensis)  ces yuav ua rau peb tau txais kev noj qab nyob zoo, pab tau peb lub plawv thiab peb lub paj hlwb kom txhob muaj teeb meem. Vim cov tshuaj yej no muaj ib co kuab tshuaj thiab cov antioxidant  los yog ib cov zaub mov tseem ceeb pab kom peb tau txais kev noj qab nyob zoo thiab noj qab nyab xeeb.

Yog peb cog kiag peb tshob ntoo tshuaj yej lawm ces peb yeej paub tias tsis muaj chiv ywg thiab peb de tau kiag tshiab tshiab coj los rhaub haus tau tsw qab ntxiag yam tsis tas txhawj tias tsam muaj teeb meem los ntawm tej hnab ntim cov tshuaj yej paug tsuas rau tej ib puag ncig li.

Ntxiv ntawd, ces peb tseem muaj peev xwm siv tau tsob ntoo tshuaj yej no los ua tau ntau hom tshuaj yej thiab, piv txwv li ua tshuaj yej dub, ntsuab, dawb, Oolong los yog cov tshuaj yej Matcha thiab. Tsuas yog tias peb yuav tau mus txheeb xyuas hauv google seb ho muaj cov txheej txheem ua tej tshuaj yej no li cas xwb?

Txawm li cas los yeej muaj cov kev taw qhia Australian National Health Guidelines yeej tau hais kom tej neeg qoj ib ce txog li 30 ntiag tiv (30 minutes) kom tawm hws thiaj yuav tau txais kev noj qab nyob zoo thiab.

Listen to us at SBSHmong on Thursday 6 pm AEST and Sunday 11 am AEST or follow us on SBS Hmong Facebook page or download our podcasts or listen to Stitcher or other podcast platforms.