ක්වීන්ස්ලන්ත ප්‍රාන්තයේ Skilled Work Regional (Provisional) වීසා හෙවත් 491 වීසා වැඩසටහන යළි විවෘත කර තිබේ.
අප්‍රේල් 19 විවෘත කළ මෙම 491 වීසා වැඩසටහන 2021 අප්‍රේල් 25 වන දින නැවතත් වසා දමන බව ක්වීන්ස්ලන්ත ප්‍රාන්තයේ ව්‍යාපාර සහ නිපුණතා සංක්‍රමණ දෙපාර්තමේන්තුව පවසයි.
Highlights
- ක්වීන්ස්ලන්ත ප්‍රාන්තයේ වසා දැමුණු 491 වීසා වැඩසටහන අප්‍රේල් 19 සිට 25 දක්වා යළි විවෘත කර තිබේ.
- 2020/21 මුල්‍ය වර්ෂය සඳහා ක්වීන්ස්ලන්ත ප්‍රාන්තයේ 190 වීසා වැඩසටහන යළි විවෘත නොකෙරෙනු ඇත.
- ක්වීන්ස්ලන්ත ප්‍රාන්තයේ දැනට රැකියා කරමින් සිටින අයදුම්කරුවන්ට පමණක් ක්වීන්ස්ලන්ත ප්‍රාන්තයේ 491 වීසා සඳහා අයදුම් කළ හැකිවේ.
ක්වීන්ස්ලන්ත ප්‍රාන්තයේ 491 වීසා වැඩසටහන
ක්වීන්ස්ලන්ත ප්‍රාන්තයේ 491 වීසා වැඩසටහන මාර්තු මාසයේ සිට වසා දැමුණු අතර යළි අප්‍රේල් 19 දින විවෘත කෙරිණි.
නමුත් එම විවෘත කිරීම සතියක පමණ කෙටි කාල සීමාවකට වලංගු වී තිබේ.
ඒ අනුව අප්‍රේල් 19 දිනෙන් යළි විවෘත කෙරුණු ක්වීන්ස්ලන්ත ප්‍රාන්තයේ 491 වීසා වැඩසටහන 2021 අප්‍රේල් 25 වන දින නැවතත් වසා දැමෙනු ඇත.
එමෙන්ම ඔබ 2021 පෙබරවාරි 1 - 7 අතර කාලය තුළ ක්වීන්ස්ලන්ත ප්‍රාන්තයේ 491 වීසා සඳහා EOI එකක් යොමු කර ඇතිනම් නව EOI එකක් යොමු කිරීම අනවශ්‍ය බව ක්වීන්ස්ලන්ත ප්‍රාන්තයේ ව්‍යාපාර සහ නිපුණතා සංක්‍රමණ දෙපාර්තමේන්තුව පවසයි.
ඒ අනුව එක් අයදුම්කරුවෙකු EOI කිහිපයක් යොමු නොකරන ලෙසට ඔවුන් ඉල්ලා සිටියි.
මේ අතර ක්වීන්ස්ලන්ත ප්‍රාන්තයේ 491-SBO (Small Business Owners) Pathway ද දැන් විවෘත බව සඳහන්.
Source: Getty Images/alicat
ක්වීන්ස්ලන්ත ප්‍රාන්තයේ 190 වීසා වැඩසටහන
ක්වීන්ස්ලන්ත ප්‍රාන්තයේ Skilled Nominated (Permanent) වීසා හෙවත් 190 වීසා වැඩසටහන තවමත් වසා දමා ඇති අතර එය අප්‍රේල් මාසයේදී පවා විවෘත නොකරන බව ක්වීන්ස්ලන්ත ප්‍රාන්තයේ ව්‍යාපාර සහ නිපුණතා සංක්‍රමණ දෙපාර්තමේන්තුව දන්වයි.
ඒ අනුව 2020/21 මුල්‍ය වර්ෂය සඳහා ක්වීන්ස්ලන්ත ප්‍රාන්තයේ 190 වීසා වැඩසටහන යළි විවෘත නොකෙරෙනු ඇත.
කෙසේවෙතත්, 190 වීසා සඳහා නව කෝටාවන් ලැබුණු පසුව 2021/22 නව මුල්‍ය වර්ෂය සඳහා ක්වීන්ස්ලන්ත ප්‍රාන්තයේ 190 වීසා වැඩසටහන යළි විවෘත කෙරෙන බව ක්වීන්ස්ලන්ත ප්‍රාන්තයේ ව්‍යාපාර සහ නිපුණතා සංක්‍රමණ දෙපාර්තමේන්තුව පවසයි.
මේ අතර 2021 පෙබරවාරි 1 - 7 අතර කාලය තුළ ක්වීන්ස්ලන්ත ප්‍රාන්තයේ 190 වීසා සඳහා යොමු කළ EOI නොකඩවා සැලකිල්ලට ගන්නා බවද ඔවුන් දන්වා තිබේ.
SBS සිංහල සේවය සතියේ දින 4 ක් ඔබ හමුවට
සඳුදා, අඟහරුවාදා, බ්‍රහස්පතින්දා, සිකුරාදා
SBS Radio APP එකෙන් (Free download)
ක්වීන්ස්ලන්ත ප්‍රාන්තයේ 491 වීසා සඳහා අයදුම් කිරීම
ක්වීන්ස්ලන්ත ප්‍රාන්තයේ දැනට රැකියා කරමින් සිටින අයදුම්කරුවන්ට පමණක් ක්වීන්ස්ලන්ත ප්‍රාන්තයේ 491 වීසා සඳහා අයදුම් කළ හැකිවේ.
ක්වීන්ස්ලන්ත ප්‍රාන්තයේ 491 වීසා සඳහා අයදුම් කිරීමේදී කොරෝනා වසංගතයෙන් යළි ගොඩ ඒමේ අරමුණු ඇතිව ක්‍රියාත්මක වන පහත සඳහන් රැකියා ක්ෂේත්‍ර කෙරෙහි ඉහළ ප්‍රමුඛතාවක් දක්වයි.
- Air Ambulance
- Critical Medical
- Medical Technology,
- Engineering
- Critical Infrastructure
- Supply Chain
- Telecommunications
- Film & Television Production
- Maritime Industry
- Agricultural Technology
- Food Technology
- Mining
- Emerging Technology
- Financial Technology
- Large Scale Manufacturing
ඉහත ක්ෂේත්‍ර වලට අමතරව ක්වීන්ස්ලන්ත ප්‍රාන්තයේ 491 වීසා සඳහා සුදුසුකම් ලබා තිබේ.
