Povu Australianu vota kontra iha referendum ba proposta lian Indiginu ba Parliamentu

Proposta Lian Indiginu ba Parlamentu lakon ona iha referendum dahuluk Australia nian iha dekade rua nia laran.

Suarathan votasaun ne'ebe sura hela iha sentru votasaun ida iha Melbourne iha Sabado, dia 14 de Outubro, 2023. Source: AAP / CON CHRONIS/AAPIMAGE

Pontus chave

• Referendum Lian Indigenu ba Parlamentu fo sai ona rezulta votasaun kontra.
• Estadu na'in neen no norte territóriu rejista maioria votasaun kontra, enkuantu ACT vota afavor.
• Primeiru-Ministru Anthony Albanese husu ba Australianu sira atu mai hamutuk.

Maioria povu Austrálianu sira rejeita ona proposta atu inklui grupu lian indigenu ba Parlamentu iha Konstituisaun.

Votasaun kontra rejista ona iha estadu neen hotu no Territoriu Norte durante referendum istóriku iha loron Sabadu dia 14 de Outubro.

Votasaun kontra lidera iha konta nasionál tomak. So ACT deit mak jurisdisaun úniku ne'ebé rejista votu afavor ba referendum ne'e.

Primeiru-Ministru Anthony Albanese hatete katak rezultadu ida ne'e la define ita hanesan ema Australia no sei la fahe ita.

Nia mos hatutan tan katak, ita hotu tenke mai hamutuk hanoin hodi buka dalan foun atu rezolve asuntu ne'e. Nia hanoin katak hamutuk ita hotu sei bele, no loloos ita tenke halo ida ne'e duni.

Primeiru-Ministru Australia Anthony Albanese hato'o deklarasaun kona-ba rezultadu husi referendum Lian Indigenu ba Parlamentu.

Lideransa opozisaun Peter Dutton husu ba povu sira atu iha unidade, nia hanoin referendum lolos la presiza atu halo.

Nia hatete, proposta no prosesu ne'e lolos atu halo ita hotu hamutuk, la'ós atu fahe fali ita entre rasa ida ho rasa seluk.

Iha loron Sabadu ita haree katak Australianu sira iha sira-nia resposta ba referendum ne'e defensivu tebes hasoru Primeiru-Ministru, ida ne'e hatudu katak ema rihun ba rihun mak la simu proposta ne'e.

Lideransa opozisaun Petter Dutton ho Shadow Ministra ba ema Indigenu Australia, Senador Jacinta Price ne'ebe koalia ba media depois de resultadu referendum nian. Source: AAP / JONO SEARLE/AAPIMAGE

Ema Indigenu Australianu sira balun hateten katak semana ida ne'e sira sei trata hanesan "semana nonok ka silensiu" atu refleta rezultadu votasaun iha referendum ne'e. Maibé iha tempu hanesan grupu indiginu sira seluk hateten sira sei kontinua buka dalan atu hare saida mak sira bele halo tuir mai.

Ministru rai-nain Australianu no advogadu ba vota afavor, Linda Burney, hatete katak nia fiar kata "tanba kampaña ne'e no konversasaun rihun ba rihun ne'ebé mak akontese ona, sei hamosu jerasaun foun ho lideransa ne'ebe mak forti liu tan husi ema indiginu sira."

Kontinua informa kona-ba referendum lian indigenu ba Parlamentu iha tinan 2023 iha Rede SBS nia laran tomak, inklui perspetiva Nasoins Unidas nian liuhusi NITV.

Vizita portal referénsia  SBS Voice Referendum portal 

Atu hetan asesu ba artigu, vídeo no podcast sira iha língua 60 liu, ka fó sai notísia no análize foun sira, dokus no entertainment sira ho gratuita, iha relatóriu  Voice Referendum hub on SBS On Demand.