Key Points
- دیوالیہ پن تین سال تک رہتا ہے لیکن اس کے نتائج زیادہ دیر تک رہ سکتے ہیں۔
- دیوالیہ پن آپ کو تمام قرضوں سے آزاد نہیں کرے گا۔
- ہمیشہ مالیاتی مشیر سے مشورہ لیں۔
دیوالیہ پن ایک قانونی عمل ہے جو آپ کو آپ کے بیشتر قرضوں سے آزاد کر کے مالی کنٹرول دوبارہ حاصل کرنے میں مدد کرتا ہے۔ یہ آپ کو نئے سرے سے آغاز کی اجازت دیتا ہے۔
آپ رضاکارانہ طور پر خود کو دیوالیہ ظاہر کر سکتے ہیں یا اپنے ان قرض دہندگان کی درخواست پر عدالت کے ذریعے دیوالیہ ہو سکتے ہیں – جن کے آپ پر رقم واجب الادا ہے۔
یہ ایک مثبت قدم ہو سکتا ہے۔ اس کے باوجود، دیوالیہ پن سنگین نتائج اور بدنامی کا باعث ہو سکتا ہے۔
دیوالیہ پن میں رجسٹرڈ ٹرسٹی کلیئر اوریگن تجویز کرتی ہیں کہ دیوالیہ ہونے کے بعد کی صورتحال پر نظر دالیں اور اس ریلیف کا اندازہ کریں جو مالی مشکلات کا شکار افراد کو دیوالیہ ہونے کی صورت میں حاصل ہوگا
وہ کہتی ہیں، "اگرچہ ایسا ہمیشہ نہیں ہوتا ، لیکن وہ افراد جو دیوالیہ ہونے کی درخواست دیتے ہیں ان کی مالی پریشانی ان کی اپنی وجہ سے نہیں ہوتی بلکہ کسی بیرونی قوت کے باعث ہوتی ہے۔‘‘
اسے ایک نئے مالی مستقبل کی جانب ایک جراتمندانہ قدم کے طور پر دیکھا جانا چاہیے، خاص طور پر ایسے پیشہ ور افراد کی مدد سے جو سمجھتے ہیں کہ یہ صرف قانونی کارروائی نہیں ہے، بلکہ ایک جذباتی سفر بھی ہے۔Clare Corrigan, Registered Trustee in Bankruptcy
دیوالیہ پن کے لیے فائل کرنے سے پہلے
دیوالیہ پن ایکٹ کے تحت آنے والے دیگر قانونی اختیارات کو دیکھیں۔
قرض کا معاہدہ
قرض کا معاہدہ آپ کو اپنے قرضوں کو ادا کرنے کی اجازت دیتا ہے، عام طور پر تین سے پانچ سالوں میں اور دیوالیہ ہونے سے بچتا ہے۔
ایک منتظم آپ اور آپ کے قرض دہندگان کے ساتھ بات چیت کرے گا، جو آپ کے قرض کو کم کرنے اور ادائیگی کے منصوبے پر کام کرنے پر راضی ہو سکتے ہیں۔
For many, bankruptcy brings feelings of financial shame and stigma, but it’s sometimes the only course of action to relieve financial distress. Credit: gahsoon/Getty Images
پرسنل انسولوینسی(Insolvency) ایگریمنٹ (PIA)
پی آئی اے آپ اور آپ کے قرض دہندگان کے درمیان قانونی طور پر پابند معاہدہ ہے۔ آپ اپنے قرضوں کا تصفیہ کرنے کے لیے، عام طور پر تین سے پانچ سال کے لیے ایک لچکدار ادائیگی کے منصوبے پر گفت و شنید کر رہے ہیں۔
اس میں عام طور پر ٹرسٹی کی تقرری شامل ہوتی ہے۔ آپ ادائیگی کے منصوبے کی تشکیل کے لیے فیس ادا کریں گے۔
مالی مشاورت حاصل کریں۔
فائنڈر کے ساتھ پیسے کی سینئر ماہر سارہ میگنسن تجویز کرتی ہیں کہ دیوالیہ پن کے لیے فائل کرنا سنگین نتائج کے ساتھ آتا ہے، اس لیے کوئی بھی فیصلہ کرنے سے پہلے مالیاتی مشیر سے بات کریں۔
پیر سے جمعہ 1800 007 007 پر دستیاب ہے۔ یہ تجربہ کار مالیاتی مشیر فراہم کرتی ہے جو آپ کے ساتھ ان اقدام پر تبادلہ خیال کرتے ہیں جو آپ اختیار کر سکتے ہیں۔
محترمہ میگنسن کہتی ہیں، "وہ ایک مکمل طور پر آزاد غیر منافع بخش خدمت ہیں، ہمیشہ مفت، ہمیشہ خفیہ اور میں ان کی بہت زیادہ سفارش کرتی ہوں۔"
طریقہ کار
درخواستیں اے ایف ایس اے ویب سائٹ کے ذریعے آن لائن دائر کی جاتی ہیں۔ اس کے بعد وہ درخواست کا جائزہ لیتے ہیں۔
"اگر اسے قبول کر لیا جاتا ہے، تو درخواست دینے والے فرد کو دیوالیہ قرار دے دیا جاتا ہے اور اس لمحے سے، انہیں قرض دہندگان سے کچھ تحفظ فراہم کیا جاتا ہے جس کی وجہ سے وہ مالی طور پر دوبارہ اپنا کاروبار یا کام شروع کر سکتے ہیں،" محترمہ کوریگن کہتی ہیں۔
اس کے بعد دیوالیہ ہونے والے کو ایک ٹرسٹی تفویض کیا جاتا ہے جو اس بات کو یقینی بناتا ہے کہ قرض دہندگان سمیت تمام فریقین کے مفادات کی منصفانہ نمائندگی کی جائے۔
ٹرسٹیز دیوالیہ ہونے والے کے مالی معاملات کا بھی جائزہ لیتے ہیں اور ان کے طرز عمل کی چھان بین کرتے ہیں، اور ان کے قرضوں کی ادائیگی کے لیے اثاثے فروخت کر سکتے ہیں۔
"ہم دیوالیہ ہونے والے فرد کو دیوالیہ پن کی مدت کے دوران متعلقہ حقوق اور ذمہ داریوں کے بارے میں رہنمائی کرنے میں مدد کے لیے معلومات بھی فراہم کرتے ہیں،" محترمہ کوریگن کہتی ہیں۔
Bankruptcy lasts for three years and one day, but the consequences can last for much longer. Credit: Vladimir Vladimirov/Getty Images
دیوالیہ پن آپ کی زندگی کو کیسے متاثر کرتا ہے؟
دیوالیہ پن تین سال اور ایک دن تک رہتا ہے، لیکن اس کے نتائج زیادہ دیر تک رہ سکتے ہیں۔
آپ کو نیشنل پرسنل انسولوینسی انڈیکس میں شامل کر دیا جاتا ہے، جو آپ کے دیوالیہ پن کے ختم ہونے کے بعد بھی آپ کی کریڈٹ ریٹنگ اور فنانس اور قرض حاصل کرنے کی آپ کی صلاحیت کو متاثر کرتا ہے۔
آپ کی کچھ آزادیوں پر بھی اثر پڑتا ہے۔
چھوٹے کاروبار کے مالک میتھیو نے پایا کہ دیوالیہ پن نے بیرون ملک سفر کرنے کی اس کی صلاحیت کو روک دیا۔
"جب مجھے پہلی بار دیوالیہ قرار دیا گیا تو میری بنیادی پریشانی میری بیٹی سے ملاقات تھی۔ وہ فلپائن میں رہتی ہے،" وہ کہتے ہیں۔
جب آپ کو دیوالیہ قرار دے دیا جاتا ہے تو آپ اپنی مرضی سےآزادانہ طور پر بیرون ملک سفر کرنے کے قابل نہیں رہتے ۔ آپ کو پہلے دیوالیہ پن کے ٹرسٹی کی اجازت لینے کی ضرورت ہوتی ہے۔[Matthew, small business owner]
دیوالیہ پن عام طور پر آپ کے کام کرنے کی صلاحیت کو متاثر نہیں کرتا، اور آپ کے آجر کو یہ جاننے کی ضرورت نہیں ہے۔
پھر بھی، تجارت اور کچھ صنعتیں، جیسے اکاؤنٹنسی یا قانون کے شعبے میں ، آپ کو لائسنس اور رکنیت کے بارے میں بات کرنے کے لیے متعلقہ سرکاری ایجنسی یا پیشہ ورانہ ایسوسی ایشن سے رابطہ کرنے کی ضرورت ہے۔
ایک دیوالیہ شخص عدالت کی اجازت کے بغیر کمپنی کا انتظام نہیں کر سکتا یا کچھ عوامی عہدوں پر فائز نہیں ہو سکتا۔
اور جیسا کہ میتھیو نے تجویز کیا، اگر آپ کاروبار چلا رہے ہیں تو آپ کو کچھ پابندیوں کا سامنا کرنا پڑ سکتا ہے۔
"میں عوامی ذمہ داری کا بیمہ حاصل کرنے یا سپلائی کرنے والوں کے ساتھ اکاؤنٹس اور لائن آف کریڈٹ قائم کرنے سے قاصر تھا۔ مجھے ہر چیز کی ادائیگی پہلے سے اور نقد میں کرنی پڑتی تھی،‘‘ وہ کہتے ہیں۔
کریڈٹ رپورٹنگ ایجنسیاں دیوالیہ ہونے کی تاریخ سے پانچ سال یا اس کے ختم ہونے سے دو سال تک آپ کے دیوالیہ ہونے کا ریکارڈ رکھتی ہیں۔ یہ کریڈٹ یا قرض حاصل کرنے کی آپ کی صلاحیت کو متاثر کرتا ہے، اور آپ کے قرض کی شرح سود زیادہ ہوگی۔
Bankruptcy lasts for three years and one day, but the consequences can last for much longer. Credit: courtneyk/Getty Images
کیا دیوالیہ پن سے آپ کے تمام قرضے ختم ہو سکتے ہیں؟
اس کا سادہ سا جواب نہیں ہے۔
تاہم آپ کو غیر محفوظ قرضوں جیسے کریڈٹ کارڈز، میڈیکل بلز اور دیگر کچھ قرضوں سے رہائی مل جائے گی۔
اس کے بعد آپ کا ٹرسٹی آپ کے قرض دہندگان کو ادائیگی کرنے کے لیے آپ کے اثاثے فروخت کر سکتا ہے۔ عام طور پر، آپ گھریلو سامان، کاروباری اوزار، یا ایک مقررہ رقم کی گاڑی رکھ سکتے ہیں۔
"لیکن آپ کا ٹرسٹی دیگر اثاثے بیچ سکتا ہے یہاں تک کہ وہ گھر بھی جس میں آپ رہتے ہیں،" محترمہ میگنسن کہتی ہیں۔
یہ بات ضروری ہے کہ ، کسی بھی جائیداد کو چھپانے یا خود فروخت کرنے میں جلدی نہ کریں۔ بلکہ اسے ٹرسٹی کے سامنے ظاہر کردیں کیونکہ اگر آپ اپنے ٹرسٹی کو دھوکہ دینے کی کوشش کرتے ہیں تو اس کے سنگین نتائج برآمد ہوں گے۔
