Cov teeb meem kub ntxhov hauv lub cuab yig thiab kev raub mob rau lub hlwb-Domestic violence and brain injury

Tau muaj ib cov kev teeb txheeb tshiab qhia tias muaj yuav laug txog ib nrab ntawm cov neeg raug lwm tus tsim teeb meem kub ntxhov hauv lub cuab yig rau muaj teeb meem raug mob qee yam rau lawv tej paj hlwb, thiab muaj yuav laug txog li ib tug ntawm peb tug neeg uas raug cov teeb meem no yog cov me nyuam yaus.

Forty per cent of all family violence victims admitted to hospital over the past decade had suffered a brain injury Source: AAP

Tau muaj cov kev teeb txheeb tshiab qhia tias cov neeg uas tsim teeb meem kub ntxhov rau lwm tus ntawd tsis yog ua rau tej neeg raug tsim teeb meem ntawd raug mob qee yam rau lawv tej paj hlwb xwb tab sis tseem muaj cov kev raug mob rau lawv tej paj hlwb nrog thiab.

Muaj yuav laug txog li ib nrab ntawm cov neeg uas raug lwm tus tsim cov teeb meem tsis haum xeeb hauv lub cuab yig rau ntawd yeej muaj teeb meem qee yam rau lawv tej paj hlwb thiab muaj yuav laug txog ib tug ntawm peb tug neeg uas raug cov teeb meem no yog cov me nyuam yaus.

Qee cov piv txwv ntawm cov neeg raug tsim teeb meem kub ntxhov hauv lub cuab yig rau ces yog tus poj niam hu ua Rebecca Sciroli uas muaj hnoobnyoog 25 xyoo. Nws txiv tshiab tau xuas ib rab rauj ntaus nws xwb qwb ces thiaj ua rau nws raug mob rau nws lub paj hlwb thiab yuav tau pw kho mob ntawm tsev kho mob ntev txog 7 hli diam. Cov xwm txheej no ua rau nws yuav tau rov qab pib xyaum ua txhua txhua yam dua ib zaug ntxiv tsis hais cov kev xyaum ua pa, kev noj mov thiab rov qab xyaum mus kev nrog rau lwm yam.

Ib cov qauv piv txwv ntxiv ces yog tus poj niam Angela Barker uas lub caij nws tseem muaj hnoob nyoog 16 xyoo, ces thaum nkawv tseem nyob ntawm qhov chaw nres tsheb nws tus qub hluas nraug cia li muab nws tob hau thawb mus tsoo cov hlau ntawm lub txee ntawm qhov chaw nres tsheb  thiab tseem muab nws lub ntsej muag siv siv zog tsuj rau hauv pem teb thaib ces thiaj ua rau nws raug mob rau nws lub paj hlwb. Nws hais tias yeej tsis tsim nyog yuav ua li no rau nws los yog ib tug twg kiag li, vim yog tej yam ua txhaum loj heev.

Mloog tau xov xwm ua lus Hmoob ntxiv tau rau ntawm www.sbs.com.au/hmong ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store https://apple.co/2pLgvCX thiab ntawm Google Play http://bit.ly/2GuIRv los yog download xov xwm kaw ua suab (Podcasts) ua lus Hmoob thiab lus Askiv tau ntawm www.sbs.com.au/podcasts/yourlanguage/hmong los sis tuaj koom ua tub koom siab thiab koom mloog tau tau ntawm #SBSHmong lub Facebook page www.facebook.com/sbshmong tau.