NSW lub koom haum daws teeb meem kub ntxhov hauv lub cuab yig

New South Wales Deputy Premier Prue Car Credit: AAPIMAGE

Get the SBS Audio app

Other ways to listen

Tsoom fwv New South Wales (NSW) tau tsim lub koom haum Domestic Violence Centre tshiab rau tsim coj los tsim ib co kev pab cuam tsi ntsees rau tej pon niam neeg thoj nam thiab tsiv teb tsaws chaws uas tsis paub lus, thiab sis nkag siab zoo txog tej cai lij choj uas sib chab sib chaws uas ntsib teeb meem kub ntxhov hauv lub cuab yig kom tau siv tej kev pab cuam no.

Tsoom fwv xeev NSW tau qhia tias rau hnub tim 10 lub 5 hlis ntuj xyoo 2024 tias nws tau siv nyiaj txog li 4.4 million dollars los tsim lub koom haum daws tej teeb meem kub ntxhov hauv lub cuab yig rau lub caij uas Australia tus thawj pwm tsav tau hais tias cov teeb meem kub ntxhov no tau ras los ua 'ib co teeb meem phom sij loj rau haiv neeg no.

Lub koom haum tshaib no thiaj yuav los tsim ib co kev pab cuam tsi ntsees coj los pab tej poj niam feem coob thiab tej poj niam ntawm tej neeg tsiv teb tsaws chaw thiab thoj nam uas tsis tshua paub lus Askiv thiab tsis totaub zoo txog Australia tej cai lij choj zoo kom thiaj tau txais kev pab cuam thaum lawv ntsib tej teeb meem no.

Prue Car uas yog tus lwm hau xeev NSW thiaj hais tias, tej no yog ib feem ntawm nws tus tsoom fwv tej tswv yim yuav siv ntev tom ntej no coj los txo kom tsis txhob muaj tej teeb meem no ntxiv.

Ces lub koom haum New South Wales Multicultural Centre for Women's and Family Safety thiaj yuav yog qhov chaw pib rau tej poj niam uas coj ntseeg ntau yam kab lis kev cai thiab hais ntau hom lus mus thov kev pab cuam yog lawv ntsib teeb meem kub ntxhov hauv lub cuab yig, xav tau txais kev pab cuam rau cov kev pib neej tshiab ntawm Australia thiab thov tej neeg pab txhais lus/ntau ntawv pab rau lawvv.

Cov kev koom kev teeb txheeb xyoo 2021 ntawm lub koom haum Harmony Alliance thiab Monash University ntawm Melbourne yeej txheeb tau tias muaj Australia ib tug poj niam neeg tsiv teb tsaws chaw thiab thoj nam ntawm peb tug twg yeej ntsib qee yam teeb meem kub ntxhov hauv lub cuab yig. 91 feem puas ntawm tej poj niam koom cov kev teeb txheeb no qhia tias raug lawv tej txiv siv tej cwj pwm yuam thiab tswj lawv. 42 feem pua ces raug ntaus lawv tej cev ntaj ntsug thiab siv cov kev deev los tsim kev kub ntxhov. Thiaj yeej muaj tej poj niam uas thov tau tej visa tuaj nyob ib ntus txog li 40 feem pua ua tau koom cov kev teeb txheeb yeej qhia tias lawv ntsib tej teeb meem kub ntxhov no thiab.

Nadia Bromley uas yog tus coj lub koom haum Women's Legal Services hais tias residency stuts yog ib co tseem ceeb rau tej poj niam uas thov tau tej visa nyob ib ntus (temporary visas) siv.

Lawv thiaj raug lwm tus hawv thiab raug lwm tus siv cov kev kub ntxhov tswj. Raug hawv tias yuav muab xa rov qab los sis yuav muab lawv cais ntawm lawv tej me nyuam los sis yog yuav raug muab yuam kom tawm ntawm lub teb chaws (Australia) mus yam tsis tau lawv tej me nyuam. Thiab dua ntawm poj niam uas twb tsis muaj fwj chim ua tau dab tsi thiab twb tsis tshua muaj peev xwm pab tau lawv lawm, los tseem ntsib ntau yam nyuaj rau tej systems uas siv ntawm lub teb chaws no ntxiv thiab.
Chief Executive Officer of Women's Legal Service, Nadia Bromley.

Yog li ntawd Ms Bromely thiaj hais tias ces tseem muaj ntau yam teeb meem nyuaj ntxiv rau tej poj niam rau lub caij lawv mus thov kev pab cuam thiab.

Tsis hais tej kev tsis paub lus, cov kev tsis paub thiab tsis nkag siab txog Australia tej cai lij choj thiab txheej txheem hais plaub rau lub caij lawv tseem yuav tau ntxeem kom dhau tej teeb meem kub ntxhov hauv lub cuab yig ntawd. Ua ke no los zoo li lawv yeej thov tau tej kev pab cuam tsawg tsawg xwb thiab. Yeej muaj tej poj niam no coob heev tsis tau txais kev pab cuam ntawm Centrelink ces lawv thiaj tsis tau siv Medicare, tsis tau siv tej kev kho mob los kho tej kev raug mob los ntawm tej teeb meem kub ntxhov los sis tsis tau txais kev pab cuam los daws ntau yam teeb meem nyuaj uas lawv xav tau ntawd li.
Chief Executive Officer of Women's Legal Service, Nadia Bromley.