Ħames modi kif tista tinkludi l-ikel Awstraljan mal-ikel li tipprepara għall-festi tal-Milied

Tista’ tagħmel iċ-ċelebrazzjonijiet tal-festi tal-Milied u s-sena l-ġdida uniċi billi tinkludi ingredjenti ta’ ikel Awstraljan f’dak li ssajjar u tixrob.

A woman holding a harvest of native Australian lilly pilly fruit which is a nutritious form of bush tucker. Source: iStockphoto / Charlie Blacker/Getty Images/iStockphoto

Punti Ewlenin

• Ikel Awstraljan huwa l-ikel nattiv tal-Awstralja, li ħafna drabi jkun nutrittiv u mimli proteini u fibra.
• Ara x’jaqbel mas-sajf Awstraljan meta tikkunsidra li tinkludu ikel Awstraljan, tgħid esperta tal-ikel.
• Meta tiddiskuti minn fejn ikunu ġejjin dawk l-ingredjenti tkun qed tagħti rispett lin-nies tal-Ewwel Nazzjonijiet fl-Awstralja. Ikel Awstraljan magħruf bħala bush tucker huwa ikel nattiv tal-Awstralja u storikament li kienu jieklu l-ewwel Nazzjonijiet fl-Awstralja.

Bush Tucker huwa l-ikel nattiv tal-Awstralja u storikament kien jittiekel min-nies tal-Ewwel Nazzjonijiet fl-Awstralja u apprezzat minn ħafna.

Il-biċċa l-kbira tal-ikel Awstraljan huwa nutrittiv u mimli proteini u fibra, u jista’ jinkludi diversi frott, pjanti, fawna u żrieragħ.

Waqt li ingredjenti nattivi saru popolari aktar f’dawn l-aħħar snin, għal min isajjar fid-dar jistgħu jkunu ta’ sfida biex ikun jaf minn fejn jibda meta jinkludi dawn l-ingredjenti fl-ikel.

Damien Coulthard huwa raġel Adnyamathanha u Dieri minn Flinders Rangers u ko-fundatur ta’ Warndu, ħanut li jbigħ ingredjenti nattivi.

Co-founder of Warndu, Damien Coulthard. Credit: Jiwon Kim Credit: Jiwon Kim

Meta tinkludi ikel Awstraljan fit-tisjir huwa importanti li tesplora u tagħmel ftit riċerka.

"Fl-aħħar mill-aħħar dak li nixtiequ ninkoraġġixxu huwa esperimentazzjoni b’ingredjenti differenti Awstraljani u li tinkludihom fit-tisjir tiegħek,” jgħid Damien Coulthard.

Huwa jemmen li m’hemmx żmien aħjar milli nibdew nagħmlu dan issa, fil-festi tal-Milied u s-sena l-ġdida, meta jkun servut kull kwalità ta’ ikel.

1. Żid ingredjenti nattivi mal-insalata

Minflok tibda b’riċetta billi tuża ingredjanti nattivi, sempliċiment ibdel l-ingredjenti regulari tiegħek, jgħid Coulthard.

"L-iskop huwa li tidentifika t-togħmiet differenti u taħdem bihom, " ikompli jgħid Damien Coulthard.

Pereżempju warrigal greens jistgħu jkunu mqabbla mal-ispinaċi, is-samphire jista’ jkun inkorporat mal-asparagus u l-lemon myrtle tagħtik t-togħma taċ-ċitru, imma aktar b’saħħitha.

2. Ħawwar u immarina l-ikel b’igredjenti nattivi

Jekk tkun se sservi dundjan, tiġieġ, ħaruf jew ħut, ara tistax tħawwarhom bi ħwawar nattivi, inkluż melħ tal-buxx li għandu togħma ta’ melħ u ħwawar, perfetti biex issajjar fil-forn roasting, stir-frying, u anke deep-frying.

Pepperberry tista’ tkun tajba ħafna biex tagħmilha fuq il-laħam meat rub waqt li l-geraldton wax għandu togħma tal-lumi (lemony pine) u ideali biex timla u sservi mal-ikel tal-baħar.

3. Ikel tal-baħar

Arabella Douglas mara Minyubal hija l-fundatriċi ta’ Currie Country, organizzazzjoni ewlenija tal-Ewwel Nazzjonijiet li tiffaċilità l-konnessjoni permezz tal-inklużjoni kulturali.

Hija tispjega li ħaġa li wieħed għandu jikkunsidra meta jżid ingredjenti nattivi huwa li jistaqsi x’inhu adattat għas-sajf Awstraljan?

“Irridu niftakru fejn qegħdin u naġixxu skont il-kontinent fejn qegħdin ngħixu" tgħid Ms Douglas.

Arabella Douglas is a founder of Currie Country. Credit: Jiwon Kim

"Jekk xi ħadd jistaqsini x’ikel hu tradizzjonali jew nattiv għall-Milied mill-perspettiva tal-Ewwel Nazzjonijiet m’hemm xejn aktar milli tistaqsi x’inhi r-realtà ekoloġika għal dan il-kontinet fl-istaġun ta’ Diċembru.”

Ms Douglas temmen li l-prawns (gambli kbar) u ikel tal-baħar huma għażliet tajba biex isservi għall-ikel waqt li l-pippies u l-crab (granċ) huma fost il-favoriti tagħha.

"L-importanti huwa li kollox jaħdem flimkien u li nkuna nafu sewwa fejn nistgħu nibdlu ingredjent importanti ma’ ingredjent Awstraljan."

4. Żid ingredjenti nattivi mal-Pavlova klassika

Strawberry gum Pavlova with wattleseed cream. Credit: Josh Geelan and Luisa Brimble

Il-Pavlova hija deżerta popolari li tkun servuta waqt il-perjodu tal-festi tal-Milied fl-Awstralja u hija perfetta biex tinkludi fuqha ingredjenti Awstraljanai.

"Kulħadd iħobb strawberry gum pavlova, il-krema hija mħawra bil-wattleseed," jgħid Coulthard.

Iżid jgħid li tkun aktar tajba meta tkun servuta bi frott Awstraljan bħal quondongs, Davidson plums u muntries.

Bidliet simili jistgħu jsiru fit-trifle.

5. Żid ingredjenti Awstraljani max-xorb li tipprepara

Il-wattleseed tista’ tkun alternattiva perfetta għal kafè, waqt li xorta tagħtik l-enerġija, imma mingħajr kafeina.

Finger limes u Davidson plums jistgħu jkunu miżjuda ma’ xorb ħafif waqt li l-lemon myrtle hija tajba ħafna biex iżżid ma’ xarbiet ibbażati fuq it-tonik.

River mint u ant loose tea jistgħu jagħtuk effett kalmant.

Oħloq storja dwar dak li tiskopri u aqsamha ma’ oħrajn

Meta tfittex u tiddiskuti minn fejn l-ingredjenti nattivi Awstraljani ġejjin tkun qed tiċċelebra l-wirt kulturali Awstraljan.

"Agħmel sforz biex tidentifika, l-istat, l-isem tal-lingwa marbut man-nazzjon Aboriġinu u oħloq storja dwarhom biex tiċċelebra dan il-wirt,” jgħid Damien Coulthard.

"Dan iwasslek biex verament tapprezza dak li tkun qed tiekol jew tixtrob."