Artificial Intelligence (AI): mafaufau e gaosia i computers ma ona aoga

I se nofoaga e tausi ai tagata matutua ua a'afia i le galogalo poo le dementia, ua faata'ita'i ai le fa'aaogaina o se masini ua faapolokalameina ma se mafaufau poo le artificial intelligence.

O se masini ua faapolokalameina lona mafaufau e mafuta ma talanoa ma tagata matutua ua a'afia i le galogalo.

I le ripoti lenei, e mafai ona e faafofoga ai i talanoaga a tagata matutua o loo tausia i le nofoaga ma o loo a'afia i le galogalo, ma le faatagata ua faapolokalameina lona mafaufau e faaigoaina ia Viv.

O le aoga o Viv, ona e mafai ona talanoa ma mafuta ma se tagata matua i soo se taimi o le ao ma le po, ma e le faa'ono'ono pe faatiga i ana faamatalaga e faia i se tagata matua.