Fautuaina e ta'ita'i o le Labor i NSW le tipi o le aofa'i o tagata e ulufale mai ma aumau i Ausetalia.

Lagolagoina e le ta'ita'i o le ituagai i le palemene Setete o New South Wales Luke Foley le vala'au a nisi mo le faaitiitia o le aofa'i o tagata e faatagaina ona malaga mai ma aumau i Ausetalia.

An aerial view of suburban Adelaide Source: AAP

O le tapula'a o le aofa'i o tagata e talia ona nofo mau i Ausetalia i tausaga ta'itasi, e 190,000.  O le aofa'i lenei na faatulagaina e le malo tele i le 2011.  Peita'i e iai isi auala e mafai ai ona talosaga tagata e iai Visa le tumau e avea ma tagata nofo mau ma ua si'itia ai le aofa'i i luga atu o le 200,000.  O loo finau nisi o ta'ita'i e pei le sa avea ma palemia Tony Abbott e le gafatia a le tamaoa'iga o le atunuu ona tausia lenei si'itaga mo se taimi umi ona o faafitauli i fale, a'oga, ma 'au'aunaga o le soifua maloloina.