Sam Nielsen කියන්නේ තනියෙන් තමන්ගේ පළමු නිවාස මිලදී ගැනීමට කටයුතු කල අයෙක්. වයස අවුරුදු 28ක් වන ඔහු අවුරුදු 10ක් විවිද අවස්ථාවල නිවසක් මිලදී ගැනීමට කටයුතු කර තිබේ. Perth නුවර Call Centre කළමනාකරුවකු ලෙස සේවයේ නියුතු ඔහු කුලී නිවාස මිලගණන් ඉහල යාම නිසා දැඩි පීඩනයකට ලක්වූ අයෙක්. සතියකට $500 ක් ගෙවාවත් කුලී නිවසක් සොයාගැනීමට නොමැති බව ඔහු පවසා සිටී.
තම සිහින නිවහන මිලදීගැනීමට නොසිට කුඩා නිවසක් හෝ තට්ටු නිවසක් හෝ මිලදීගෙන නිවාස වෙළඳ පොලට අවතීර්ණ වීම ඉතා වැදගත්Scott Partridge
LISTEN TO
ඕස්ට්‍රේලියාව තුල සේවක වැටුප් වැඩි විය යුතු ප්‍රතිශතය ගැන වෘත්තීය සමිති සහ ව්‍යාපාරික ප්‍රජාව මත දෙකක.
SBS Sinhala
09/04/202403:55
පවතින දැඩි නිවාස අර්බුදය හේතුවෙන් නිවසක් මිලදීගැනීමට ඔහු අන් සෑම දෙයකටම වඩා ප්‍රමුඛතාවය දීමට කටයුතු කර තිබේ. මෙහිදී කොටස් වෙළඳපොලේ පැවති තම අනෙකුත් ආයෝජන විකුණා දමා, තම සියලුම ඉතුරුම් මුදල් එකතුකර අවශ්‍ය මූලික තැම්පතු රැස්කර ගැනීමට ඔහු කටයුතු කර තිබේ. මෙහිදී අවශ්‍ය 20% ක මූලික තැම්පතුව රැස්කර ගැනීමට නොහැකි උවද රජයේ First Home Owner's Guarantee වැඩසටහන හේතුවෙන් LMI රක්‍ෂණ ගාස්තු ගෙවීමකින් තොරව නිවාසය මිලදීගැනීමට ඔහුට හැකි වී තිබේ.
කෙසේ උවත් පවතින නිවාස මිල ගණන් යටතේ තමාට අවශ්‍ය නිවස මිලදී ගැනීමට ඔහුට නොහැකි වී ඇති අතර කාමර දෙකක තට්ටු නිවාසයකින් සෑහීමකට පත්වීමට සිදු වී තිබේ. කෙසේ උවත් නිවාස හිමිකරුවකු ලෙස නිවාස වෙළඳපොලට ඇතුලත් වීමට හැකියාව ලැබීම විශාල ජයග්‍රහණයක් බව ඔහු පවසා සිටී.
තම ආදායමේ 5%ක් හෝ 10%ක් ඉතිරි කිරීමට කටයුතු කලේනම් මින් පෙර නිවසක් මිලදීගැනීමේ හැකියාව ඔහුට පැවතුන බව ඔහු සඳහන් කර සිටී.
නිවසක් මිලදී ගැනීමේදී ධනවත් ව්‍යාපාරිකයින් සමග තරඟ කිරීමට සිදු උවද මෙම first home buyer scheme ක්‍රමවේදය යටතේ පහසුවෙන් නිවසක් මිලදීගැනීමට හැකි තත්වයක් පවතිනවා.
බැංකු නිලධාරියකු වන තිස් හතර හැවිරිදි Ash Kalia සහ ඔහුගේ බිරිඳ මේ ආකාරයෙන් තම පළමු නිවස මිලදී ගැනීමට අවශ්‍ය මූලික තැම්පතුව ඉතිරිකර ගැනීමට සමත් වූ Victoria ප්‍රාන්තයේ ජීවත්වන යුවලකි. මෙම මූලික තැම්පතුව ඉතිරිකර ගැනීම සඳහා තම ජීවන තත්වයේ යම් යම් වෙනස්කම් සිදුකල බවද ඔවුන් පවසා සිටී. විශේෂයෙන්ම එළියෙන් ආහාර මිලදී ගැනීම, කෝපි මිලදීගැනීම වැනිදා තම දෛනික පුරුදු වලින් ඉවත් කර සකසුරුවම් මානසිකත්වයක් සාදාගත් බව ඔවුන් පවසා සිටී.
කෙසේ උවත් තම සිහින නිවාස ලබා ගැනීමට ඔවුනට නොහැකි වී ඇති අතර පවතින නිවාස මිල ගණන් යටතේ ඔවුනට කාමර තුනේ නිවසක් $660000කට මිලදී ගැනීමට හැකිවී තිබේ. තමන් බලාපොරොතු වූ නිවාසය ලබා ගැනීමට නොහැකි උවද පළමු නිවාස ලබා ගැනීමට හැකිවීම විශාල ජයග්‍රහණයක් බව ඔවුන් පවසා සිටී.
රජයේ first home buyer scheme ක්‍රමය යටතේ තම පළමු නිවාස මිලදී ගැනීමට Sara and Pedro කටයුතු කර තිබේ. මෙහිදී ඉතිරි කිරීමට අවශ්‍ය වන්නේ 5%ක මුදලක් පමණක් බැවින් ඉතා පහසුවෙන් නිවාස වෙළඳපොළට ඇතුළුවීමට හැකි වූ බව ඔවුන් පවසා සිටී.
නිවසක් මිලදී ගැනීමේදී ධනවත් ව්‍යාපාරිකයින් සමග තරඟ කිරීමට සිදු උවද තමන් වැනි අයටද මෙම first home buyer scheme ක්‍රමවේදය යටතේ පහසුවෙන් නිවසක් මිලදීගැනීමට හැකි බව ඔවුන් පවසා සිටී.
ඔස්ට්‍රේලියාව තුල නිවාස වෙළඳපොලේ වර්තමාන තත්වය කෙබඳුද?
ඔස්ට්‍රේලියාවේ නිවසක මිල ගණන් $780000 දක්වා ඉහල ගොස් තිබේ. ඩොලර් මිලියන 1.069 ක මධ්‍ය නිවාස මිලක් සහිතව, සිඩ්නි මිලදී ගැනීමට වඩාත්ම මිල අධික නගරය බවට පත් වී ඇති අතර, ඉන් පසුව පසුව මෙල්බර්න් ($802,000), බ්‍රිස්බේන් ($801,000), ඇඩිලේඩ් ($723,000), හෝබාර්ට් ($662,000) සහ පර්ත් ($660,000) නගර පසුවේ.
මෙහිදී පළමු නිවාස ගැනුම් කරුවන්ගේ යම් ඉහල යාමක් දක්නට ඇති බව වාර්තා වේ. පෙර වසරට සාපේක්ෂව 13.2කින් පළමු නිවාස ගැනුම් කරුවන් ලබා ගන්නා බැංකු නය ප්‍රමාණය ඉහල ගොස් තිබේ.
කෙසේ උවත් දිගුකාලීනව නිවාස මිලදී ගන්නන්ගේ ප්‍රමාණය අඩු වෙමින් පවතින බව CoreLogic ආර්ථික විද්‍යාඥ Eliza Owen පැහැදිලි කර සිටී.
පළමු නිවාස ගැනුම්කරුවන් සියල්ලන්ටම පාහේ පවුලේ අයගේ උපකාරය හෝ මුද්දර ගාස්තු කප්පාදුව හෝ පළමු නිවස ගැනුම්කරුගේ ප්‍රදාන වශයෙන් රජයේ ආධාර ලබාගන්නා බව පළමු නිවාස ගැනුම්කරුවන් ට තම සේවය ලබා දෙන Mortgage broker කෙනෙක් ලෙස කටයුතු කරන Scott Partridge පවසා සිටිනවා. මෙහිදී තම සිහින නිවහන මිලදීගැනීමට නොසිට කුඩා නිවසක් හෝ තට්ටු නිවසක් හෝ මිලදීගෙන නිවාස වෙළඳ පොලට අවතීර්ණ වීම ඉතා වැදගත් බව Scott Partridge වැඩිදුරටත් පවසා සිටිනවා.
