Vanuatu Komuniti lo Victoria oli Celebraetem 43rd Anniverseri blong Vanuatu

Vanuatu Komunity long Victoria, Ostrelea, oli kam tugeta long Essendon, wan pat blong Melbourne long Victoria long las Satete, namba 29 dei blong manis Julae 2023, blong makem mo celebreitem 43 indipendense anivesari blong Vanuatu.

Prokram ia eii karem tugeta samples 200 man mo woman Vanuatu weh oli bon long Ostrelea mo olgeta tu weh oli stap stadi mo wok long stet blong Victoria. President blong Vanuatu Victoria Komuniti, Mr. Joses Kenneth hemi pointem aot impoten tinktink behaen blong organisem wanfala prokram olsem ia.

Vanuatu Victorian Community President (R) Mr. Joses Kenneth and an invited guest during the cake cutting ceremony

Olgeta weh oli kroap long Ostrelea oli nid blong saveh mo abaotem identiti, kalja, lanwis mo ol samthing weh oli ol identiti blong yumi ol man mo woman Vanuatu

Vanuatu Victorian Community President - Joses Kenneth

LISTEN TO

Hao blong askem wan Salari Inkris long Ostrelea

SBS Bislama

30/07/202308:11

Play

Ol aktiviti weh oli haelaetem bigwan dei ia, hemi ol display blong ol musical talents, fes painting aktiviti blong ol pikinini mo ol toktok weh ol invaetet guest spika, blong PALMS Scheme weh oli kam blong kivim abaot hao ol sisonal woka blong Vanuatu oli stap kontribute eii long ekonomi blong Ostrelea mo hao ol mane weh oli kasem hemi go bak blong helpem bigwan ekonomi mo ol komuniti blong yumi long wan wan aelan long Vanuatu.

Kaen aktiviti olsem hemi kam blong remaendem yumi bakeken blong lukluk bak long struggle blong yumi, wanem yumi achievim finis long past 43 yia ia, mo wanem weh yumi stap struggle from yet

Loveh Lui - PALMS Scheme Woka

Wanfala sisonal woka, Mr Loveh Lui weh eii stap wok long wan fam long Bundoora, hemi pat tu long program ia. Mr Lui eii talem seh ol kaen aktiviti olsem eii gud tumas from hemi kam blong rimindem yumi bakeken blong lukluk bak long ol struggle blong yumi, wanem weh yumi akjievim finis long past 43 yia ia mo wanem weh yumi stap struggle yet blong akjievim long ol yia weh eii stap kam.

Wan Ni-Vanuatu sisonal woka wetem Vanuatu Flag

Wan memba blong Vanuatu Victoria Komuniti Mr. Jimmy Silas hemi stressem seh since naoia eii gat wan association eii setap, bambae oli lukluk mo blong organisem semak program olsem ia long fiuja.

Wan narafala haelaet tu weh Vanuatu komuniti long Victoria eii stap mekem eii lukim wan komuniti memba, Mrs. Marie Noelle Kenneth, wan tija long Attwood Child Care Centre long Melbourne Victoria hemi usum wok blong hem olsem wanfala tija blong tijim mo educatem ol pikinini blong centre ia aboutem kalja blong Vanuatu mo impotense blong 30 Julae long hem olsem wan woman Vanuatu.

Credit: Attwood Child Care Centre and Kindergarten

Ms. Natashi Jayasinghe hemi wanfala tija tu long centre ia, mo hemi talem seh ol pikinini mo ol tija oli lanem fulap samthing aboutem Vanuatu long aktiviti weh Mrs. Kenneth eii putum aot long wan wik aktiviti ia.

Hemia hemi festaem weh Vanuatu Komuniti long Victoria eii organisem wan bigfala prokram olsem ia. President blong Vanuatu Victoria Community, Mr. Kenneth hemi pointem aot seh prokram ia bae eii no las wan mo team weh hemi leadim eii stap lukluk finis blong organisem semfala kaen prokram olsem ia long fiuja weh eii stap kam.